Cathy@Testimonial

記得試妝時, Amy已經非常細心咁幫我試左好多唔同款式,
仲比左好多專業意見. 當我send左我想要0既style比佢睇,
佢又可以跟返0個種style幫我再試, 真係好照顧到客人需要。
另外試妝時又無規定我地唔准影相, 反而仲主動幫我地影低所有妝,
事後send返比我地參考, 實在好幫得手。

大日子當日, Amy好準時就上到我屋企, 仲借左好多好靚0既頭飾比我,
好多朋友都讚靚。當日幫我整0既頭仲靚過試妝0個日,
真係好有驚喜呀,而且全日貼身照顧, 就算我地自己過去男家無帶佢去,
佢都好細心咁交帶伴娘點樣幫我補粉, 同埋主動幫我點齊所有金器0既數目。

除左新娘妝之外, 伴娘妝亦都毫不馬虎, 早晚都唔同款, 伴娘都好滿意呢！

總括黎講, Amy除左手勢專業外, 服務仲好無微不至, 價錢亦物超所值！
我知道佢仲不斷進修緊唔同0既化妝技巧, 最新最型0既妝都唔會難到佢。

本人真係極力推薦Amy比各位靚靚新娘子！