Bonnie's Pre-wedding

幾經辛苦終於解決左湊女既問題, 可以安心工作.
真係千萬個多謝家姐呢~

有專車接送, 仲有三文魚做早餐既工作天, 真係十分舒適.

今次做了2個造型, 希望BONNIE喜歡吧!
下個月的婚禮我們又會再見, ^^ see u soon...

Elise@Testimonial

諗唔到自婚宴以來都一直忙忙忙，趁未外出工幹，喇喇臨寫返個 testimonial俾 Amy 先….


八月嘅婚宴並唔喺第一次搵 Amy 幫手化妝，咁梗喺好先食過番尋味喇 - 上次喺 2 月搵埋成班 friend 影結婚相，化咗 4-5 個女仔加埋我有兩個造型，個個造型都好靚，而且價錢合理！

今次婚宴除咗我轉 5 個樣之外，都仲要 Amy 幫忙一班日本妹同媽咪嘅化妝＆髮型，Amy 單人匹馬搞點晒實在非常厲害！而且個個造型一 D 都唔馬虎，果 3 個日本妹讚不絕口！Amy 仲一路俾好多好好嘅意見，將我媽咪搞到更後生，我媽咪（個樣其實似我家姐）都好滿意啊。


其實我對化妝一竅不通，好在俾我搵到 Amy 幫忙，基本上，佢嘅髮型化妝就好夾我自己鐘意嘅 style，呢 D 應該叫人夾人緣啦！由頭到尾都好滿意呀，尤其係果個懷舊造型，個個睇完都話好靚同好襯件衫。

再值得一讚嘅喺 Amy 非常準時，永遠有早無遲！相信呢一點對所有新娘子都很重要。一定會 /已經推介俾其他 Friend，到時再同你計 commission！

係度祝你生活愉快，女女快高長大（其實都已經好高吓）！

Alice & Kwong's wedding

終於等到Kitty既大婚日子,

下午準時3點半到達酒樓, 酒樓裝修十分華麗,
是帝延一貫的作風呢!
忙碌地工作直到7點, 還以為老公趕得切回港,
就是這樣當晚就無緣留下來晚宴, 實在有點無奈,
希望2位主角唔好介意.

祝KITTY及光少白頭到老, 永結同心, 恩恩愛愛

懶到爆炸>.<

香港人什麼時候都話自己忙, 忙住上網, 忙住SMS, 忙住工作,
忙住打機, 忙住發夢, 忙住...諗下自己忙住D咩.

今日係11月1日, 竟然我有1個月沒有出POST,
究竟這個月我忙住做什麼? :S

最近大家找我或許發現AMY變得COOLCOOL,
約時間上來試妝總是EEOO咁,
在這裡借個機會向大家講聲唔好意思.
事實因為我既寶貝女病了個多月, 
做媽媽的又怕有人上來會影響她的作息時間,
外出工作又怕無人照顧,
所以最近時間安排上出了大大的問題,
願早日康復身體健康, 大家咁話~~

小心D好...

係我仲未病完既時候, 又要做第二單JOB.
早上5點起來(其實好怕自己唔知醒),
老公仲未瞓, 準時出門口, 搭第一班MTR.

去到酒店仲有時間拍照留念,
工作順利~

救命呀... 我病左呀!

工作前一晚不知道原因地病倒了, 發冷發熱的, 老公半夜回家才發現我正在發燒,
吃了必理痛頂住, 繼續休息...
心裡正在慶幸不用跟Ken Luk去外景拍pre-wedding,
只是簡單的下午工作應該沒問題吧!



早上起來先去洗走一身病態,
準備囡囡的午餐, 還有時間洗了機衫.
待所有東西準備好, 就出發帶囡囡到婆婆家了.

安頓所有就出發今天的場地「博藝會」

帶住口罩工作真不是味兒, 但為著大家安全還是用口罩好一點.
順利完成工作, 回家中途再次發現頭重重.

從前坐office無病都可以扮病去休息一下,
但現在做了化妝師, 有病只可以頂硬上.
因為人家一生人一次的婚禮, 如果臨時推辭??
記得老師說過, 有髮型師趕到新娘家中時遇到車禍(台灣好多電單車)
但那個髮型師仍第一時間幫新娘完成髮型才到醫院接受療傷.
聽起來好不可思異嗎? 但是真人真事!

願我們也身體健康.

終於收到造型照的排版

雜誌雖然未出街，但心急的我已經急不及待地把照片跟大家分享，
再次感謝兩位靚女，
Theresa ^3^，Jenny ^3^

多謝你地抽出寶貴既時間來幫忙。

雖則每位化妝師都有自己的風格，但化妝始終是件十分主觀既事情，
所以說到底客人滿意才是自己最大的滿足，

加油，願自己可以收集更多的認同～